Kipahtah
le lunglhaisela hinkho namanding Pathen in adei jalin, phatthei naboh
nomjinge. Hinla, Ama deibang le
nangaichat bangin phatthei nabohtheijipoi! Asumoa aumji’e.
Mjousen Pathen phattheibohna chan ding anom cheh in, hol
jong aholji. Hinla, deibangin koiman amujipoi! Mitamtah vang, aholna lam’in,
asumopau chu kisu-lunglhaile kichanginte tin, pathen bang in ahouvun ahile,
Pathen dihtah chu akisuh lunghangun, atuppen’u chu, gamla-tah in adalhaloji
tauve.
Misumopa chun, Pathen phatthei-bohna
lhingset nachan ding chu avetlel’a
nasuhmoji ahi!
Ahile, misumojia chu ipi ahidem? Ipidia mi chu asuhmoji
ham?
Ama chu changjoulou ahijeh a, miho chanding chu thangsea,
asuhmo gotji ahi! Ama hi itih a jong Pathen phattheibohna changlouding ahitan,
eiho vang chang thei ihiuve. Nangin,
ama chu jou hih jongle chun, ajousa-ajoujingpa JESU nabel theiye, najopeh
jingtheiye!
Hiche thaneina chu najolou jeh‘a, Pathen phattheibohna
chu ‘lhingset a’ nachan thei jilou ahi. Hiche,nasumo-a chu akisuhmang kahsea,
Pathen phattheina chu phatea nachanthei lou ding ahi. Hinla, hiche nasumoa chu
nangma le mihem jouse sanga hatjo ahin, mihem le nangma hatna’a najothei
ahipoi. Hatchungnung thaneina ngai ahi.Hichu nachan theina dia ‘PATHEN CHA’
nahi ngaiya ahi. ‘PATHEN CHA’ nahi theina dia ‘LAMPI KHAT’ uma ahin,
hichu najui ngai ahi. Najuina dinga nahetchet ngaiya ahi.
Hiche LAMPI KHAT chu nahetna dia, hiche lekhabu hi
kigong ahi. Tao-to thoa kigong ahi. Hijehchun, nangin jong tao-to thon,
nitinin, themchacha, simmun khat khat, ban-neitah in simjingin, tao jingin.
Chutile, Pathen in phatthei naboh ding kataona ahi. Khatveiyin, tamtah sim hih
in. Chusangin, nasimlai chu velsimjon.
Pathen in panpi jingtan.
