Golte, Jesu Christa tansan
jouse, angailutna thupha hopjal dia nganse ihiuve (Matthew 28:18-20). Mijouse
vang Pathen thu lhangsam le mission natong (full time) in i-kon thei pouve.
Pathen thilgon, tohdang ho jong toh ngai ahi. Pastor, Evangelist hokeu nganse
ahipouve. Ama ho keu i-nganseule, vannoi alosoh ding hahsa ahi. Eiho tohdang
tong hon jong pan ilahdiu ngai ahi. Pathen thu thejal in pan i-lacheh theiyuve.
Hetding chu, imacha nei le
bolthei masah angaipoi. Jesu Christa natahsan’a Leng le Huhhingpua nakisan ding
bou chu thupipen, amsapena ngai ahi. Jesu’n “Amasan A Lenggam le Achonphatna
hol masauvin” ati ahi. Jesu nei chu ‘A Lenggam muna ahin, Jesu neiya kona bou
Achonphatna’ chu min aneithei ahi. Jesu Christa Leng le Huhhingpu in nei masan.
Chule, Anatong dia nanop ding chu thupipen
ahin. Nanei le tohnathei nanei masah angaipoi. Tohnomna nanei poupoule, Pathen
in natohtheina din phatthei bohtanate. Nom phot in. Lei le van le asunga
umjouse Sempa chun, Akin nabolna dia ipi hijongle – Sum, nei le gou dang,
chihna, thepna, haona le hanta, damna, angaichan napehthei ahi tahsanin.
Nalunga nanop a, Pathen koma nalhut masah chu ngai masa ahi. Pathen in panpi
jing tan.
Abaipen le phapen khat chu
–
1. lekhabu
neocha cha a Pathen thua huhhingna thu hi jih a ( Bible track) hopjal, Pathen
thu kijilna lekhabu (athem ho jih) tadoh le hopjal hi ahi.
2. Internet
– blog, website, facebook, email le adang hoa Pathen thu hopjal ahi.
Bible track hi simbai
lamtah, chomchacha, kichehtah le hetbai tah ahi. Christian hija huhhingna
kicheh neilouho peh ding, chule, tahsan louho lah a hopjal dia kigong ahi.
Tahsan louho hi akhut’uva peh ngaikhel ahipoi. Bus stop, Railway station,
Hospital, School, College, University, Hotel, Tea stall, office ho le mun dang
hoa hi mi mutheiya koiding, dalhah ding. Min, bolding hetmoa aumpet a amua
asimdia koiding. Hitiho chu asim tengule, Pathen in Lhagao Theng a ahilchet peh
a, alunggel akhela Christa akisan jeng thei ahi. Moh a koithang ding vang
hilou, tao to thoa, koiding, dalhah ding ahi. Khol-vahle, Business bol, School-
College, Office kaihon jong i-umna muncheh a hopjal thei ahi.
Jillai jouse le tohna
neijouse jong ahoma panthei. Ahitheiho atatdoh a pangthei, hop jong ahopthei
ahi. Eima kipehna a panlah ding dei ahi.
Aguh a nabol chu, aguh a
mu Pathen in phattheina simjoulou napeh ding ahi.
Hitia, Bible track hi
phabep kagongin, pao tamtah a ledoh le tadoh ding a gon ahi. Pathen in eipanpi
diu ahi. Atadohna le hopjalna a hi pan lathei, solkal natong, business bol le
tohdang tong tampin, abolthei dia gon ahi. Hichu Christa Lenggam machalna dia
pan i-;ahkhomnau ahi.
Noiya hin, namu diuvin
kahin tahlange. Natadoh nomle, naumna muna press, Computer hoa natadoh sah
thei, chule nahopjalthei ahi. Adang khel hih in. Amavang, Pathen le miho, chule
keima le taohkhompi ho hetna din apeh noilam a Namin le na address, chule apao
min, Copy jat jih in. Chule, copy phabel neihin thot un. Hitia panla jouse chu
Christian Prayer Centre (Songpijang) le Internet a atheichanin- ama le insung
mite dia taona neipeh dia gon ahi.
Atatdoh nom hon blog ho -
a konin download bolin
tatdoh in. Naboipi sanga, hichelai muna hi keihon Nangma mina katadohdiu
nadeile chunga blog tenia a thu kiseinaho noiya ‘comment’ munahin hinseiyin –
na email address hinpen, chule, form kipe a hin nahinsei theiye. Pathen in
phatthei naboh tahen.
Christian Prayer Centre a
jong hin pan nahin latheiyuve. Pathen thu dang dang jong hopjal dia gon ahin,
tohdang tampi jong kigong ahi. Taonan pangkhom jingute.
Christa Lenggam machalna
din – taona, seina, phonjal le hopdohna a pan nalahnomle, Pathen hetsahnan
‘Amen’ jih in. Pathen in phatthei naboh jing tahen.
