Daniel
chu atohkhompi hon, dihloutah in ahehseuvin Sakeiho kulsunga lelut ahitai.
Hinla, kidihtah a Pathen houjing ahijalin, Pathen in ahuhdoh tai. Hichu, Lengpan
Pathen ahetdoh lona le gamsung pumpia Daniel Pathen jacheh dia Lengpan thupeh
aneina ahung hitai.
Loupina
Pakai changing tahen.
Sopite,
Daniel
Pathen chu tua jong Pathen hijing, abanga hijing, thanei le thilbol hijing ahi.
Atahsan chan chu apanpi jing ahi. Tahsannin, kisanin. Tuhin Ama lungdeu chu
bolin : Achapa Jesu Christa hi na Pakai le na Huhhingpu din kisanin. Chutile,
na lungdon-kichatna, hahsatna le boina jousea kona nahuhdoh ding; nachonsey
angaidama acha deium naso ding ahi. Kisan jengin, tuhin.
Simin,
Daniel thu :
Pathen
loupe kiphonna Leng Darius chun, amanoiya gamvaipo ding mi120 apansah in, hicheho
lamkai ding chun Daniel le midang ni apansah tai. Pathen panpi jalin, Daniel
chu adang ho jose sangin achingin-athem’e. Hijehchun, Lengpa chun, Daniel chu
ama noidot’a gampumpia vaipodia pansah agotle, apan khompi ho athangseuvin,
kipalsah ding agotauve. Hinla, ipi abol vangun, asuhkhelna amujou tapouve.
Akihousomuvin, “A Pathen houna hi mangcha a suhmo ding tailouvin, athemmona
kimuponte” atitauve.
Hijehchun,
lungthim abolub, Lengpa chu dankhat asemdoh din aseitauve. Lengpa ajah a, “Vo
lengpa Darius, nakom tilouva, nisom thum sunga koiman pathente kom hihen mihem
kom hijongle thum le ngeh aneilou helna ding, Dan sukeh pen pen chu sakei
dimset khuh a kileh lut jeng hen.”atiuve.
Hijeh chun lengpan hiche Dan chu asemtai. ahet phat’in Daniel inlama achen, a-indan chungnunga chun Jerusalem lam bangkot kihongin, abolngai bang bangin, abohkhup’in, nikhat sungin Pathen henga thumvei atao jingtai. Hichu, amelmaten amutauvin, Lengpa jah a, “Vo lengpa, Daniel khun lengpa nanahsah pon, nadan semsa jong ajuipoi. Niseh-in a Pathen koma thumvei vei atao jingji’e,, nahet bangin Mede le Persia dan khatcha jong kikhel ngailou ahi,” atiuve.
Hiche thu ajah phat in,Lengpa alunggimtai. Hinla, ama Dan sem chu apalkeh thei tapoi. Ada achamlouvin, Daniel chu mat’a sakei dimset khuh sunga lelut din lengpan thu atanin, Daniel jah a, “Kitah tah a akin nabol jing Pathenin nahuhdoh tei tei hen!” ati.
Daniel alelut jouvun, Lengpa leng inpia ahung kilen, nelou-donlou, jan ihmulou helin aumtai. Jingkah khovah lhah lhah-in lengpan kokhuh lam adel jel’in, “Vo Daniel, hing jing Pathen lhacha! Kitah tah a akin nabol jing Pathen chun sakeihoa kona nahuhdoh hinam?” ati.
Daniel’in agah houvin, “Vo lengpa hingsot’in! Pathenin Avantilte sakeite kam ahung sip sah-in eisuse pouve. Nang adih louva kabol loujeh a themmona bei kahi ahet jal’a Pathenin hitia chu abol ahi-lengpa!” ati.
Lengpa akipah behseh jengin, kokhuh sunga kona Daniel kaidoh loi din thu apetai. Akaidoh-un Pathen atahsan jal’a Daniel imacha atilou amudoh tauve.Hichun Daniel hehse chengse mat din lengpan thu apen, amatdoh phat’un ajite achate chengseu pumin sakei dimset kokhuh sunga aleh lutsoh tauve. Kokhuh to agei masanguvin sakeiten aman tan’un agu achang achipgoi jenguve.
Chuphat’in Darius lengpan mitin vaipi le chitin namtin, paotin paotanga lekha athot’in: “Salam!
Kalenggam sunga chengsen Daniel Pathen nagin’uva najabol cheh diu ahi. Ama hi Pathen hing jing ahin, Tonsot’a vaihom ding ahi. Alenggam kisubei louhel ding, Athahat beitih neilou ding ahi.
Mi ahuhdoh jin ahuhhinge, Vanle leiya datmo thil kidang abol’e! Sakeiten athana diuva Daniel ahuhhing tai!” ati.
Darius le Cyrus lengvaipoh laisen Daniel akhangtou lheh jenge. (Daniel 6:1-28)Pathen in napanpi jing tahen.
Hijeh chun lengpan hiche Dan chu asemtai. ahet phat’in Daniel inlama achen, a-indan chungnunga chun Jerusalem lam bangkot kihongin, abolngai bang bangin, abohkhup’in, nikhat sungin Pathen henga thumvei atao jingtai. Hichu, amelmaten amutauvin, Lengpa jah a, “Vo lengpa, Daniel khun lengpa nanahsah pon, nadan semsa jong ajuipoi. Niseh-in a Pathen koma thumvei vei atao jingji’e,, nahet bangin Mede le Persia dan khatcha jong kikhel ngailou ahi,” atiuve.
Hiche thu ajah phat in,Lengpa alunggimtai. Hinla, ama Dan sem chu apalkeh thei tapoi. Ada achamlouvin, Daniel chu mat’a sakei dimset khuh sunga lelut din lengpan thu atanin, Daniel jah a, “Kitah tah a akin nabol jing Pathenin nahuhdoh tei tei hen!” ati.
Daniel alelut jouvun, Lengpa leng inpia ahung kilen, nelou-donlou, jan ihmulou helin aumtai. Jingkah khovah lhah lhah-in lengpan kokhuh lam adel jel’in, “Vo Daniel, hing jing Pathen lhacha! Kitah tah a akin nabol jing Pathen chun sakeihoa kona nahuhdoh hinam?” ati.
Daniel’in agah houvin, “Vo lengpa hingsot’in! Pathenin Avantilte sakeite kam ahung sip sah-in eisuse pouve. Nang adih louva kabol loujeh a themmona bei kahi ahet jal’a Pathenin hitia chu abol ahi-lengpa!” ati.
Lengpa akipah behseh jengin, kokhuh sunga kona Daniel kaidoh loi din thu apetai. Akaidoh-un Pathen atahsan jal’a Daniel imacha atilou amudoh tauve.Hichun Daniel hehse chengse mat din lengpan thu apen, amatdoh phat’un ajite achate chengseu pumin sakei dimset kokhuh sunga aleh lutsoh tauve. Kokhuh to agei masanguvin sakeiten aman tan’un agu achang achipgoi jenguve.
Chuphat’in Darius lengpan mitin vaipi le chitin namtin, paotin paotanga lekha athot’in: “Salam!
Kalenggam sunga chengsen Daniel Pathen nagin’uva najabol cheh diu ahi. Ama hi Pathen hing jing ahin, Tonsot’a vaihom ding ahi. Alenggam kisubei louhel ding, Athahat beitih neilou ding ahi.
Mi ahuhdoh jin ahuhhinge, Vanle leiya datmo thil kidang abol’e! Sakeiten athana diuva Daniel ahuhhing tai!” ati.
Darius le Cyrus lengvaipoh laisen Daniel akhangtou lheh jenge. (Daniel 6:1-28)Pathen in napanpi jing tahen.
